परिचय
पहाडी बाली अनुसन्धान कार्यक्रम वि.सं. २०२९ सालमा दोलखा जिल्लाको जिरीमा स्थापना भई पछि काभ्रेमा स्थानान्तरण गरिएको हो। यस कार्यक्रमलाई वि.सं. २०४९ सालमा नेपाल कृषि अनुसन्धान परिषद् (NARC) मातहत राखी पहाडी बालीहरू (कोदो, जौ, फापर, लट्टे) सम्बन्धी अनुसन्धानलाई प्राथमिकता दिइएको छ। यस अन्तर्गत बाली प्रजनन, बाली विज्ञान, संरक्षण, माटो विज्ञान तथा कृषि प्रणाली सम्बन्धी कार्यहरू सञ्चालन हुँदै आएका छन्।
